Policia e Tiranës, përkatësisht Specialistët për Hetimin e Krimeve të Komisariatit të Policisë Nr. 5, kanë shpallur në kërkim dy shtetas, E. Z., 28 vjeç dhe E. N., 28 vjeç, të dyshuar për marrjen pa dëshirë të një 56-vjeçari, ngjarje e ndodhur tre ditë më parë në kryeqytet.
Përparim Mehmeti, 56 vjeç, është marrë pa dëshirën e tij nga dy persona dhe është mbajtur për disa orë në një lokal, ku të dyshuarit kanë qëndruar me të, kanë ngrënë dhe pirë, por nuk e kanë dhunuar fizikisht. Dyshohet se motivi i ngjarjes lidhet me konflikte të mëparshme që autorët kanë pasur jashtë shtetit me djalin e Mehmetit.
Policia ka nisur hetimet për veprën penale të heqjes së paligjshme të lirisë, ndërsa dy autorët janë shpallur në kërkim dhe po vijon puna për kapjen e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
