Një i ri shqiptar ka përfunduar në prangat e policisë italiane pasi është kapur me lëndë narkotike.
Mediat e huaja bëjnë me dije se 20-vjeçari shqiptar kishte fshehur në çorape 21 gramë kokainë. Skuadra e Pesaro gjatë kontrollit zbuloi drogën e fshehur nga i riu shqiptar.
Zbulimi erdhi pasi policia e ndaloi të riun shqiptar për një kontroll, pas të cilit zbuluan lëndën narkotike si dhe 450 euro.
Gjithashtu policia italiane bën me dije se i riu shqiptar ishte azilkërkues.
Hetimet zbuluan se ai disa muaj më parë kishte mbërritur në Pesaro ku edhe kishte filluar të tregtonte drogë të llojit kokainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
