Një shpërthim me eksploziv është shënuar mëngjesin e sotëm në fshatin Starovë në Pogradec. Sipas burimeve nga policia, mësohet se ngjarja ndodhur në banesën e shtetasit Petrit Çekiçi.
Sasia e lëndës plasëse ka shpërthyer në oborrin e banesës, ndërsa fatmirësisht nuk janë shënuar të lënduar në njerëz.
Në vendin e ngjarjes kanë shkuar forcat e policisë, ku kanë nisur hetimin për zbardhjen e plotë të ngjarjes. “Më datë 13.02.2021, rreth orës 03:30, në fshatin Starovë, Pogradec, në oborrin e banesës së shtetasit P. Ç., 53 vjeç, ka shpërthyer një sasi e vogël lëndë plasëse, e cila nuk ka shkaktuar dëme në njerëz apo dëme materiale”, thuhet në njoftimin e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
