Dy persona që transportonin lëndë drusore të prerë në mënyrë të paligjshme janë proceduar penalisht nga Policia e Lezhës.
Bëhet me dije se S. G., 50 vjeç dhe K. M., 39 vjeç janë shoqëruar në Komisariatin e Policisë Kurbin dhe në përfundim të veprimeve janë proceduar penalisht nga specialistët për Hetimin dhe Parandalimin e Krimit.
Këta persona i kishin ngarkuar drutë në dy mjete kamionçinë tip “Benz” dhe “Mitsubishi, ndërsa janë ndaluar nga policia në fshatin Skuraj.
Njoftimi i Policisë:
Vijon zbatimi i planit të masave për parandalimin dhe goditjen e krimeve mjedisore.
Bllokohen nga Njësia Operacionale e Autostradës Milot-Morinë, dy automjete që transportonin lëndë drusore të prerë në mënyrë të paligjshme.
Procedohen penalisht dy drejtuesit e mjeteve që po transportonin lëndën drusore.
Në kuadër të bashkëpunimit me strukturat e DVP Lezhë dhe në zbatim të planit të masave për parandalimin dhe goditjen e krimeve mjedisore, bazuar në informacionet e siguruara në rrugë operative se dy shtetas transportonin lëndë drusore pa dokumentacionin përkatës, shërbimet e Njësisë Operacionale për Autostradën kanë konstatuar dhe ndaluar në Skuraj, dy mjete kamionçinë tip “Benz” dhe “Mitsubishi” me lëndë drusore.
Gjatë kontrollit të ushtruar, shërbimet e Policisë kanë konstatuar se drejtuesit e kamionçinave, shtetasit S. G. dhe K. M. ishin duke transportuar lëndë drusore të prerë në mënyrë të paligjshme, pa dokumentacionin përkatës.
Shtetasit S. G., 50 vjeç dhe K. M., 39 vjeç janë shoqëruar në Komisariatin e Policisë Kurbin dhe në përfundim të veprimeve janë proceduar penalisht nga specialistët për Hetimin dhe Parandalimin e Krimit.
Materialet në ngarkim të këtyre shtetasve janë referuar në Prokurorinë e Rrethit Gjyqësor Kurbin, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
