“Perimetri” në Pogradec, kap një person duke transportuar 6 emigrantë

Një operacion i policisë së Pogradecit i koduar “Perimetri” ka vënë në pranga një person, i cili u kap duke transportuar 6 emigrantë të paligjshëm.

Si rezultat i operacionit u bë arrestimi në flagrancë i shtetasit A. A., 39 vjeç, banues në Tiranë.

39-vjeçari u kap nga shërbimet e policisë, në lagjen nr. 3, Pogradec, duke transportuar me mjetin tip “Audi A3”, 6 emigrantë të paligjshëm, të cilëve kundrejt pagesës 120 euro për person, iu kishte premtuar kalimin drejt vendeve të BE-së.

Aktualisht po punohet për dokumentimin e plotë të ngjarjes, identifikimin dhe kapjen e personave të tjerë të implikuar në këtë aktivitet kriminal.

Lidhur me këtë rast materialet iu referuan Prokurorisë Pogradec, për veprën penale “Ndihma për kalim të paligjshëm të kufijve”.