Një person është vrarë me thikë mbrëmjen e djeshme në Elbasan. 39-vjeçari me inicialet R. P., mbeti i plagosur rëndë pasi mori disa goditje me thikë, por mësohet se ka humbur jetën disa orë më vonë në Spitalin e Traumës në Tiranë.
Burime nga policia lokale thanë se kanë arrestuar autorin e dyshuar i cili është Edvin Gjini, 38 vjeç banues në Elbasan.
Arrestimi i tij u bë pasi në lagjen "Haxhias" në vendin e quajtur "Kryqëzimi i Lazarenëve", gjatë një konflikti për motive të dobëta, ka plagosur me thikë, 39-vjeçarin me inicialet R. P., banues në Elbasan, i cili ka gjetur vdekjen në spitalin e Traumës në Tiranë.
Dosja i ka kaluar Prokurorisë së Elbasanit për veprime të mëtejshme për veprën penale "Vrasja me dashje" dhe "Prodhimi dhe mbajtja pa leje e armëve të ftohta".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
