Marida Shehi, 32-vjeçe e cila ishte shpallur në kërkim për veprën penale të mashtrimit është arrestuar nga policia ditën e sotme. Bashkë me të shoqin, ajo hiqej si biznesmene duke u shitur qytetarëve bileta të pavlefshme për të udhëtuar jashtë vendit.
Ata u shpallën në kërkim nga policia në gusht të vitit 2017 pas denoncimit nga një familje të cilës i kishin shitur 5 bileta udhëtimi të cilat rezultuan të pavlefshme. Më pas në javët që pasuan pranë zyrave të Anti-krimit Ekonomik u paraqitën edhe qytetarë të tjerë të cilët ngrinin të njëjtën akuzë ndaj çiftit nga Vora.
Në lidhje me këtë vepër penale, Gjykata e Shkallës së Parë Tiranë e ka dënuar Shehin me 3 vite burg.
Tashmë materialet për 32-vjeçaren janë referuar në Prokurorinë pranë Gjykatës së Shkallës së Parë Tiranë, për veprime të mëtejshme.
“Specialistët për Hetimin e Krimit Ekonomik dhe Financiar bënë ndalimin e shtetases Marida Shehi., 32 vjeçe, pasi Gjykata e Shkallës së Parë Tiranë, e ka dënuar me 3 vite burg, për veprën penale “Mashtrimi”. Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme”, njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
