Apeli nuk e ndryshon vendimin, Fadil Kasemi mbetet në burg përjetë

Fadil Kasemi nuk ia ka dalë të përfitojë ulje të dënimit, një vit e gjysmë pas vrasjes së ish-bashkëshortes, Fildes Hafizi.

Gjykata e Apelit ka lënë sot në fuqi vendimin e shkallës së parë të Krimeve të Rënda, e cila e ka dënuar Kasemin me burg të përjetshëm.

Në seancën e sotme, Krimet e Rënda kërkuan gjithashtu që dënimi të kryhet në një burg të sigurisë së lartë.

Fildes Hafizi, 39 vjeçe, gjyqtare në Gjykatën e Shkallës së Parë në Shkodër, u vra më 31 gusht 2017 nga ish-bashkëshorti, Fadil Kasemi. Hafizi, nënë e dy fëmijëve, u qëllua me armë zjarri disa herë në zonën e “Xhamllikut”, në Tiranë.

Ngjarja e rëndë erdhi pas përplasjeve të vazhdueshme të dy ish-bashkëshortëve, për të cilat Hafizi kishte marrë edhe një urdhër mbrojtjeje.