Një banesë është përfshirë nga zjarri mbrëmjen e sotme në fshatin Hllomo në zonën e Dropullit në Gjirokastër. Si pasojë, kanë humbur jetën dy të moshuar. Nga hetimet paraprake, ata dyshohet të jenë asfiksuar si pasojë e tymit që ka pushtuar banesën e përfshirë nga zjarri.
Burimet nga policia, bëjnë të ditur se fshati ku ka ndodhur ngjarja ndodhet në një zonë të largët, dhe forc ave zjarrëfikëse u është dashur një kohë e gjatë për të arrirë në vendin e ngjarjes. Çifti i të moshuarve të cilët jetonin të vetëm, nuk kanë mundur të mbijetonin. Ata janë gjetur të pajetë, ndërsa trupat janë dërguar në morgun e Spitalit të Gjirokastrës.
Policia vijon verpimet hetimore për zbardhjen e shkaqeve të kësaj gjarje me pasoja të rënda.
Njoftimi i policisë:
Më datë 16.11.2021, rreth orës 19:20, në sallën operative ka ardhur një telefonatë se në fshatin Hllomo, Dropull, ka rënë zjarr në banesën e shtetasit I. P.
Si pasojë e zjarrit dyshohet se kanë humbur jetën dy shtetasit e moshuar, shtetasi I. P. dhe bashkëshortja e tij, shtetasja F. P., të cilët ndodheshin në banesë.
Shërbimet e policisë ndodhen në vendngjarje, grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
