I akuzuar për vjedhje të bankës dhe dyqaneve/ Arrestohet 33-vjeçari nga Burreli 

Një 33-vjeçar ka rënë në prangat e policisë së Matit, i akuzuar si autor i vjedhjes së tre objekteve, dy prej të cilave dyqane dhe një filial bankar.

B.GJ., banues në Burrel, gjatë vitit 2020, kishte kryer tre vjedhje në periudha të ndryshme kohore.

E para ka ndodhur më 14 janar 2020, kur ai ka tentuar të vjedhë një filial banke në Burrel.

Më pas, më 1 qershor, ai ka vjedhur një shumë parash në një market. Ndërsa, më 3 dhjetor 2020, pre e krimit ka rënë një kompani celularësh, pasi ky shtetas ka vjedhur disa telefona celularë.

Ndaj tij, është caktuar masa e “Arrestit me burg” për veprën penale të vjedhjes.

Materialet i kanë kaluar Prokurorisë së Matit për veprime të mëtejshme.