Me moton “Vrasja e grave nga burrat të trajtohet si urgjencë kombëtare” në Prishtinë ka nisur protesta për vrasjen e shtatzënës 35-vjeçare në oborrin e QKUK-së.
Qindra protestues janë mbledhur në sheshin “Zahir Pajaziti”, ku po kërkojnë përgjegjësi institucionale për vrasjen e djeshme.
“Polici jeni bashkëfajtorë në vrasjen e grave”, “Edhe sa thirrje të humbura”, janë disa nga thirrjet e protestuesve, të cilët po marshojnë drejt Prokurorisë së shtetit, Policisë së Kosovës dhe Qeverisë.
Protestueset vendosen mbishkrime “Vrasja e grave nga burrat të trajtohet si urgjencë Kombëtare” në objektin e Këshillit Prokurorial të Kosovës dhe më pas u nisën drejt Stacionit Policor Qendra.
Protesta është thirrur nga Kolektivi për Mendim dhe Veprim Feminist dhe YIHR.
Mbrëmjen e së mërkurës në oborrin e QKUK-së para Klinikës së Gjinekologjisë u vra një 35-vjeçare shtatzënë e cila ishte në prag të lindjes së një foshnje.
Ish-bashkëshorti i saj është personi i dyshuar për kryerjen e vrasjes, ndërsa i njëjti po kërkohet nga organet e rendit dhe gjendet tashmë në arrati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
