Një ngjarje e rëndë ndodhi ditën e martë në Berat, ku gjatë punimeve një masiv i gurëve ka zënë poshtë një punëtor, i cili ndërroi jetë.
Si pasojë, këtë të mërkurë, policia ka arrestuar investitoren e objektit dhe ka shpallur në kërkim administratorin dhe drejtuesen teknike të firmës së ndërtimit që kryente rikonstruksionin
Kjo pasi 47-vjeçari G. S., ka humbur jetën si pasojë e shkeljes së rregullave të mbrojtjes në punë. Gjithashtu, rezulton se këta 3 shtetas kanë tentuar të pengojnë zbulimin e së vërtetës, duke fshehur identitetin e personave përgjegjës për punimet.
Vijon puna për kapjen e 2 personave të shpallur në kërkim. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
