Sekretari i barazisë në Francë midis burrave dhe grave, Marlène Schiappa, ka qenë në krye të përpjekjeve për ligjin e përgjithshëm kundër dhunës seksuale në Francë.
"Ne kemi toleruar ngacmimet në rrugë për një kohë të gjatë. Nuk lejohet më të fyesh, kërcënosh, ndjekësh ose poshtërosh gratë në rrugë, në sistemin e transportit ose në hapësirën publike. Gjobat do të vazhdojnë", njoftoi qeveria franceze.
Autoritetet franceze kanë lëshuar mbi 700 gjoba që nga momenti që ligji për ngacmimin në rrugë hyri në fuqi vitin e kaluar.
Ligji për "zemërimin seksist" lejon gjobitje me 90 dhe 750 € për sjellje të pahijshme, gjeste të turpshme, komente degraduese për pamjen fizike, propozime seksuale ose ndjekjen e një personi me këmbëngulje në rrugë.
Gjobat mund të arrijnë në 1.500 € për vepra të përsëritura ose për vepra penale që përfshijnë një të mitur më të ri se 15 vjeç, abuzim të pushtetit, ose një sërë rrethanash të tjera rënduese.
Ligji hyri në fuqi në gusht të vitit të kaluar, vetëm disa javë pasi studentja 22-vjeçare Marie Laguerre u grushtua në fytyrë nga një burrë që ajo e kundërshtoi pasi ai e quajti mace.
Incidenti i dhunshëm u kap në kamera dhe ndezi zemërimin kombëtar.
Një studim i IFOP-it i lëshuar në prill 2018 zbuloi se tetë nga 10 gra franceze thanë që kishin përjetuar të paktën një formë të abuzimit seksual ose agresionit në rrugë ose në transport publik. /Euronews/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
