Sherr mes disa personave në Përmet, 3 të plagosur

Një konflikt mes disa personave në Përmet, ka përfunduar me tre të plagosur dhe shoqërimin e dy të dyshuarve.

Në vendin e quajtur “Agjencia”, Përmet, janë konfliktuar me sende të forta, shtetasit K. N., 48 vjeç dhe J. N., 25 vjeç, me shtetasit K. Xh., Dh. Xh., dhe E. A., të gjithë banues në Përmet.

Për pasojë kanë mbetur të dëmtuar shtetasit Konstandin Xhello, 33 vjeç, Dh. Xh., 70 vjeç dhe E. A., 40 vjeç, të cilët janë transportuar në Spitalin Rajonal Gjirokastër, për të marrë ndihmë mjekësore.

Shërbimet e policisë kanë bërë të mundur kapjen dhe shoqërimin e shtetasit K. N., për në ambientet e Komisariatit të Policisë Përmet për të vijuar me procedurat e mëtejshme.

Gjithashtu është shoqëruar për në ambientet e Komisariatit dhe shtetasi Gj. B., si dhe është shpallur në kërkim shtetasi J. N., dhe vijon puna intensive për kapjen e tij.

Në vendngjarje ndodhet grupi hetimor, i cili po punon për zbardhjen e plotë të rrethanave të ngjarjes.

MCN mëson se mes të plagosurve është Konstantin Xhallo 35 vjeç, i cili është dërguar me urgjencë për në spitalin e Gjirokastrës.

Mjekët kirurgë e intubuan për shkak të pamundësisë së funksionimit të rrugëve respiratore si pasojë e plagëve të rënda.

Për pasojë 33-vjeçari Konstandin Xhallo është transportuar me helikopter në drejtim të Spitalit të Traumës në kryeqytet.

Ndërkohë gjendet i shtruar i ati i tij me plagë të renda. Babë e bir janë sulmuar me leva e çekiçë nga at e bir K.N., dhe J.N., të dy banues në Përmet.