Prokurori i Tiranës Bajram Breçani është shkarkuar sot nga detyra, pasi KPK e gjeti me probleme sa i takon pasurisë dhe profesionalizmit. Sipas KPK-së Breçani nuk justifikon të ardhurat. Kujtojmë që ish-prokurori i Tiranës u përball me Komisionin e Pavarur të Kualifikimit të enjten më 1 shtator.
Gjatë seancës dëgjimore ai dha shpjegime për balancat negative të konstatuara në hetimin pasuror si dhe për gjetjet në kriterin profesional. Breçani mori vlerësim pozitiv për pastërtinë e figurës.
Breçani ka deklaruar se disponon një shtëpi banimi me sipërfaqe 145 m2 në një truall me sipërfaqe 460 m2 dhe një pjesë shpati rreth 300 m2. Ai ka shpjeguar se e ka blerë truallin së bashku me dy vëllezërit në vitin 1995, pa dokumente ligjore dhe se e kanë ligjëruar nëpërmjet një kontrate të vitit 1998, kundrejt vlerës 368 mijë lekë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
