I dehur dhe me shpejtësi, makina përplas 30-vjeçarin me biçikletë, arrestohet shoferi
Aksident me pasojë një person të plagosur rëndë është regjistruar para disa ditësh në qytetin e Pogradecit.
Shtetasi Altin Kuqo, duke drejtuar automjetin tip “Benz”, ka aksidentuar biçiklistin Andon Vangjeli, rreth 30 vjeç, banues në Pogradec, i cili u raportua se kishte marrë plagë të shumta në trup dhe u transportua në spitalin e Pogradecit nën kujdesin e mjekëve, ku ndodhet prej 5 ditësh.
Siç shihet dhe nga pamjet e siguruara nga MCN aksidenti ka ndodhur më datë 11 dhjetor, rreth orës 18:50, në lagjen nr. 1, Pogradec në zonën e ish Rodeo-s, ku Kuqo pasi e ka përplasur është larguar nga vendi i ngjarjes, por është dorëzuar vetëm disa orë më pas ku është bërë dhe arrestimi.
Gjykata e Pogradecit ka caktuar masën e sigurisë arrest me burg prej 30 ditësh për Altin Kuqon i cili ka qenë i dehur në momentin e ka shkaktuar aksidentin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
