Shtatë persona arrestohen gjatë 24 orëve të fundit

Shtatë persona janë vënë në pranga gjatë 24 orëve të fundit, ndërsa katër prej tyre u arrestuan në flagrancë dhe 3 ishin shpllur në kërkim.

Njëri nga të arrestuarit është R. M. 42 vjeç, i dënuar me burg, i cili kishte përfituar leje për qëndrim të përkohshëm në shtëpi, në bazë të Aktit Normativ për shkak të COVID-it, por është kapur në flagrancë nga polica, jashtë banesës së tij.

Një tjetër është arrestuar pasi  ka thyer me sende të forta xhamat e një objekti në Rrugën e Elbasanit dhe ka kundërshtuar punonjësit e Policisë për të shmangur shoqërimin e tij në ambientet e Komisariatit. I arrestuari është A. M. alias A. M., 50 vjeç, banues në Tiranë.

Ndërkohë që një 33-vjeçar është arrestuar, pasi në mënyrë të vazhdueshme ngacmonte punonjëset e një kompanie, duke u shkaktuar frikë dhe ankth.

Mes personave të tjerë të arrestuar janë edhe një 20-vjeçar me inicialet A.B. pasi u konstatua duke drejtuar mjetin në gjendje të dehur, në masën 0.55 mg/l ndërkohë që kishte thyer edhe urdhrin, pasi lëvizte pa autorizim.

Gjithashtu janë kapur; E. H., 45 vjeç, i shpallur në kërkim për veprat penale "Shkatërrim prone", “Vetëgjyqësi” dhe “Plagosja e lehtë me dashje” e kryer  në bashkëpunim; A. D., 25 vjeç dhe R. S., 20 vjeçe, të shpallur në kërkim për veprat penale “Dhuna në familje” dhe “Vjedhja” e kryer në bashkëpunim.