Dy persona të cilët dyshohet se dogjën automjetin në përdorim nga një 30-vjeçar, në orët e para të mëngjesit të djeshëm në Burrel, janë identifikuar nga policia.
Në kuadër të operacionit të koduar “Firemen”, u zbardh autorësia e ngjarjes.
Gjatë operacionit u identifikuan autorët e dyshuar, shtetasit E. K.(H.), 24 vjeç, banues në fshatin Zenisht dhe J. S., 25 vjeç, banues në Burrel.
Shërbimet e policisë kapën dhe vunë në pranga 24-vjeçarin dhe vijojnë punën për kapjen e shtetasit J. S.
Gjithashtu, në lidhje me këtë rast, nisi procedimi në gjendje të lirë për shtetasin R. K., 23 vjeç, banues në Burrel, për veprën penale “Moskallëzimi i krimit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
