Një zjarr ka përfshirë një sipërfaqe toke në fshatin Cangonj të Devollit.
Sipas informacioneve paraprake, flakët kanë rënë fillimisht në një zonë me barishte, ndërsa në afërsi ndodhej një plevicë, e cila është djegur plotësisht.
Në vendngjarje ndodhen aktualisht tre mjete zjarrfikëse dhe nëntë efektivë zjarrfikës, të cilët, së bashku me banorë të zonës, po punojnë për shuarjen e plotë të flakëve.
Deri më tani, zjarri është izoluar dhe po vazhdon puna për fikjen e tij.
Në vendngjarje ndodhet edhe policia, e cila ka nisur hetimet për të përcaktuar shkaqet e rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
