Një aksident i trefishtë është regjistruar pasditen e kësaj të hëne në superstradën Lezhë-Shkodër tek kryqëzimi i “Gocajve”. Tre makina janë përplasur me njëra-tjetrën e për pasoje, kanë marrë lëndime disa persona. Ata janë dërguar për ndihmë mjekësore në spitalin rajonal të Lezhës nga ku mësohet se ndodhen nën kujdesin e bluzave jashtë rrezikut për jetën. Si pasojë e këtij aksidenti, pati bllokim të qarkullimit për rreth 60 minuta, duke detyruar policinë që të devijojnë lëvizjen e mjeteve përgjatë segmentit dytësor Kallmet-Lezhë. Ndërkohë policia rrugore e cila mbërriti menjëherë në vendin e ngjarjes nisi hetimet për zbardhjen e shkaqeve dhe rrethanave të këtij aksidenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
