Gjykata e Korçës ka dënuar këtë të hënë me 25 vite burg shtetasin Olger Mustafa, i akuzuar për vrasjen e ndodhur më 17 janar 2019 ndaj shtetasit Altin Balliu.
Në dosjen hetimore thuhet se i pandehuri, Olger Mustafa e ka qëlluar viktimën me 5 plumba, i cili humbi jetën në vendin e ngjarjes. Në sencën e mëparshme, prokurori i çështjes ka bërë ndryshimin e akuzën për të pandehurin Mustafa, ku nga “Vrasje me paramendim”, e akuzoi Mustafën për veprën penale të “Vrasjes me dashje”.
Duke u mbështetur në këtë akuzë, prokurori Shytko i kërkoi gjykatës së Korçës, dënimin me 22 vite burgim, për të pandehurin Olger Mustafa. Kjo masë dënimi u kërkua nga prokurori, duke llogaritur dhe akuzën e “Mbajtjes pa lejë të armëve të zjarrit”.
Por, ndryshe nga çfarë kërkoi organi i akuzës, nga shqyrtimi i çështjes, Gjykata ka dalë në konkluzion se Olger Mustafa ka kryer një vrasje me paramendim dhe për këtë, e ka dënuar të pandehurin me 25 vite burg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
