Gjendet një kufomë e dekompozuar në një fshat të Dajtit

Gjendet trupi i pajetë i një personi në një fshat të Tiranës. Kufoma e dekompozuar u gjet në fshatin Kodër Shupal në Dajt.

Ka qenë një bari i zonës që e ka konstatuar trupin e pajetë ën një zonë të pyllëzuar, i cili më pas ka njoftuar policinë.

Blutë kanë nisur hetimet dhe po punojnë për identifikimin e kufomës, që dyshohet se ka të paktën një javë aty.

Njoftimi i Policise: 

Më datë 15.05.2017, në numrin e emergjencave 112, ka ardhur një telefonatë nga një shtetas (bari), se në fshatin Kodër Shupal, ka gjetur një kufomë të dekompozuar.

Menjëherë në vendin e ngjarjes ka mbritur grupi hetimor ku ka konstatuar një skelet të dekompozuar.

Po punohet për identifikimin e kufomës dhe sqarimin e plotë të rrethanave.