Me precedentë të theksuar, thyen arrestin e shtëpisë dhe vjedh me dhunë tre herë/ Arrestohet një vajzë në Tiranë

Një vajzë në Tiranë e akuzuar për tre vjedhje me dhunë, është vënë në prangat e policisë në kuadër të operacionit të koduar “Intervali”.

E ndaluara rezultonte e e dënuar më parë për vjedhje dhe aktualisht me masë sigurie “Arrest në shtëpi”, për të njëjtin krim.

Efektivët e komisariatit nr.2 arrestuan të dyshuarën R. S., 26 vjeçe, me precedent të theksuar për vjedhje.

Nga këto veprime dyshohet se kjo shtetase:

-më datë 7 shkurt, ka vjedhur me dhunë në një subjekt;

-më datë 20 shkurt, i ka vjedhur me dhunë, një shumë parash, një shtetasi;

-më datë 3 janar, ka vjedhur në një subjekt.

Aktualisht vijon hetimi për zbardhjen e vjedhjeve të tjera që mund të ketë kryer kjo shtetase, ndërkohë që materialet iu referuan Prokurorisë Tiranë për veprime të mëtejshme.