Reshjet e borës vazhdojnë të jenë prezentë në zonën e Shkodrës teksa në zonat malore të territorit të është shënuar një ulje e ndjeshme e temperaturave.
Sipas kryetarit të bashkisë së Shkodrës, Benet Beci, aksi rrugor Bogë – Bregu i Lumit është i kalueshëm ndërsa aksi rrugor Kir-Shosh është i bllokuar për shkak të shembjeve të dheut dhe reshjeve të borës.
Pas ndërhyrjes së punonjësve të OSHEE, është rikthyer furnizimi me energji elektrike në Njësitë Administrative Rrethina Gur i Zi, Ana e Malit dhe pjesërisht në Velipojë dhe Shalë.
Grupet e OSHEE-së vazhdojnë punën në terren për rikthimin e energjisë në zonat ku ka ende probleme, të shkaktuara nga moti i keq, përfshirë reshjet e borës dhe stuhitë e erës.
Në zonat malore, qarkullimi duhet të kryhet vetëm me goma dimërore dhe zinxhirë për të siguruar sigurinë e lëvizjes.
Strukturat e Emergjencave Civile të Bashkisë Shkodër po mbajnë koordinim të vazhdueshëm me Qendrën Kombëtare të Emergjencave për çdo situatë që mund të krijohet nga moti i keq.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
