Shpërthim me lëndë plasëse në një mobileri në Durrës

Një shpërthim ka ndodhur sot në një dyqan në lagjen nr. 14, në qytetin bregdetar të Durrësit.

Ngjarja është regjistruar në orët e para të mëngjesit të kësaj të mërkure në një mobileri në Kodër Rrashbull.

Në orët e para të mëngjesit, në Rrashbull, Durrës, në ambientet e jashtme të mobilierisë në pronësi të shtetasit L. A., 36 vjeç, është hedhur një sasi lënde e dyshuar plasëse.   

Si pasojë janë shkaktuar vetëm dëme materiale. Nga veprimet e para hetimore dyshohet se lënda plasëse është hedhur për shkak të një konflikti për motive pronësie.

Në Drejtorinë Vendore të Policisë Durrës janë shoqëruar 3 shtetas që dyshohet se kanë dijeni për rastin. 

Grupi hetimor, në drejtimin e Prokurorisë, vijon hetimet për zbardhjen e rastit, identifikimin e kapjen e autorit/ve.