Një kontroll i kryer në burgun e Durrësit, ka sekuestruar tre celularë, të cilët iu janë gjetur të burgosurve.
Pas analizës së riskut, Drejtoria e Përgjithshme e Burgjeve ndërmori një aksion të befasishëm kontrolli në këtë institucion.
Kontrolli u zhvillua në orët e para të mëngjesit, ku u ushtrua kontroll në ambientet e brendshme dhe të jashtme të institucionit. Për rrjedhojë sekuestruan tre celularë tip “iPhone”, të ndezur dhe funksionalë.
Njëri prej tyre u gjet në posedim të të paraburgosurit me iniciale Behar Gurguri.
Dy të tjerë, së bashku me një palë kufje “bluetooth”, u konstatuan pa autorë në ambientet e institucionit.
Për rrjedhojë u veçua i paraburgosuri B.G, u hartua raporti i incidentit, u mbajt procesverbali i bllokimit të sendeve të ndaluara.
Ndërkohë materialet iu referuan specialistit të SHKB për veprime të mëtejshme hetimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
