Ambasadori i BE, Luigi Soreca ka takuar sot kreun e KQZ, Ilirjan Celibashin teksa kanë diskutuar për sfidat e që e presin institucionin përgjegjës për zgjedhjet tashmë të riformatuar.
Soreca zbulon se është diskutuar për zbatimin sa më shpejt të marrëveshjes së 5 qershorit dhe pikave të saj dhe se si BE mund të sigurojë asistencë teknike para zgjedhjeve të 25 prillit.
Ish-ministri i PS, Celibashi u zgjodh në krye të KQZ me 12 anëtarë dhe 3 nivele që do të jetë përgjegjëse për zgjedhjet e 25 prillit të 2021.
STATUSI NGA SORECA
Urova sot Ilirjan Celibashin për emërimin e tij si Komisioner Shtetëror i Zgjedhjeve. Ne diskutuam sfidat e rëndësishme me të cilat përballet KQZ për të zbatuar me shpejtësi Reformën zgjedhore të 5 qershorit, si dhe mënyrën se si BE mund të sigurojë asistencë teknike përpara zgjedhjeve të prillit të ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
