Një aksident rrugor është regjistruar mëngjesin e kësaj të shtune në aksin Lushnjë–Berat, pranë fshatit Kashtëbardhë.
Një automjet tip “Peugeot” me targa bullgare ka dalë nga rruga dhe ka përfunduar i përmbysur në kanalin anësor.
Menjëherë pas njoftimit, në vendngjarje kanë mbërritur shërbimet e Policisë, të cilat po punojnë për zbardhjen e rrethanave dhe shkaqeve të aksidentit.
Sipas informacioneve paraprake, brenda automjetit nuk është gjetur asnjë person, ndërsa deri më tani nuk rezulton që ndonjë i lënduar të jetë paraqitur në spital për ndihmë mjekësore. Policia vijon hetimet për të identifikuar drejtuesin e mjetit dhe për të sqaruar dinamikën e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
