Një person i dënuar për krime kundër jetës dhe personit, është vënë në prangat e policisë në zonën e Qeparoit në Himarë.
Nga ana e uniformave blu u ekzekutua urdhri i prokurorit për ndalimin e shtetasit Ervis Çela, 41 vjeç, banues në Peqin.
Ndalimi i tij u bë pasi Gjykata e Elbasanit ka njohur dënimin e Gjykatës së Italisë dhe e ka dënuar këtë shtetas me 21 vjet burgim, nga të cilat i kanë mbetur për të vuajtur edhe 1 vit, 11 muaj dhe 16 ditë burgim, për veprat penale: “Vrasja me paramendim”, kryer në bashkëpunim, “Heqja e paligjshme e lirisë”, “Fshehja ose asgjësimi i kufomës”, mbetur në tentativë, “Kanosja për të mos kallëzuar”, “Mbajtja pa leje e armëve shpërthyese dhe municionit”, dhe “Veprime që pengojnë zbulimin e së vërtetës”.
Për veprime të mëtejshme materialet iu referuan Prokurorisë Elbasan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
