E shpallur në kërkim e dënuar me 5 vjet burg, vihet në pranga një vajzë në Tiranë/ Emri

Një vajzë e re e shpallur në kërkim, është vënë në prangat e policisë së Tiranës, në kuadër të operacionit të koduar “Sunday”.

Shërbimet e Komisariatit të Policisë Nr. 3, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetaseje në kërkim, organizuan dhe finalizuan operacionin policor të koduar “Sunday”.

Në kuadër të këtij operacioni u bë kapja e Monika Shaqirit, 27 vjeçe, banues në Tiranë.

27-vjeçarja ishte shpallur në kërkim, pasi Gjykata e Apelit Korçë, me vendimin e datës 4 prill, e ka dënuar me 5 vjet burgim, për veprën penale “Ndihma për kalim të paligjshëm të kufirit”, kryer në bashkëpunim.