Granata, kapsolla dhe C4, arrestohet 55-vjeçari shkodran në Durrës

Një 50-vjeçar, i akuzuar për trafik të municioneve luftarake, ka rënë në prangat e Policisë ditën e sotme në Durrës. 

Shërbimet e Komisariatit të Policisë Durrës, në vijim të punës për parandalimin dhe goditjen e paligjshmërisë, kanë vijuar me kontrolle të befasishme me pika të lëzishme kontrolli, me afate kohore të ndryshme.

Si rezultat i kontrolleve, shërbimet e Policisë, në lagjen nr. 17, Durrës, gjatë kontrollit të ushtruar në një mjet taksi në të cilin ishte pasagjer shtetasi Mersin Sadiku, kanë gjetur në çantën e tij, 2 granata dore, 4 kapsolla detonatore, 491 gramë lëndë eksplozive e dyshuar si C4 dhe 490 fishekë luftarak, të cilët u sekuestruan në cilësinë e provës materiale. 

Në vijim të veprimeve u arrestua në flagrancë për veprën penale "Prodhimi dhe mbajtja pa leje e armëve dhe municionit luftarak", shtetasi M. S., 55 vjeç, banues në Shkodër.  

Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.