Organizonin lotari të palejuara në lokal, dy persona në prangat e policisë

Dy persona përfunduan në prangat e policisë, pasi në lokalin e njërit prej tyre organizoheshin lotari të palejuara. Në pranga ranë A. B., 37 vjeç, banues në fshatin Shoshan, për veprat penale "Vënia në dispozicion e lokaleve për lojëra të palejuara" dhe "Fshehja e të ardhurave", si dhe K. B., 30 vjeç, banues në fshatin Shoshan, për veprën penale "Organizimi i lotarive të palejuara". 

NJOFTIMI

Goditet një rast i organizimit të lotarive të palejuara.

Arrestohen në flagrancë 2 shtetas, njëri prej tyre pronari i lokalit ku ushtrohej kjo veprimtari e paligjshme.  Sekuestrohen 2 aparate celulare.

 Specialistët e Seksionit për Hetimin e Krimeve në Komisariatin e Policisë Tropojë, në vijim të punës për evidentimin dhe goditjen e veprimtarisë së kundërligjshme në fushën e lojërave të fatit, kanë evidentuar një rast të ushtrimit të kësaj veprimtarie në ambientet e një lokali, me anë të aparateve celulare. 

 Si rezultat u arrestuan në flagrancë shtetasit:

A. B., 37 vjeç, banues në fshatin Shoshan, për veprat penale "Vënia në dispozicion e lokaleve për lojëra të palejuara" dhe "Fshehja e të ardhurave";

K. B., 30 vjeç, banues në fshatin Shoshan, për veprën penale "Organizimi i lotarive të palejuara". 

Këta shtetas janë kapur në flagrancë, duke organizuar lojëra fati me anë të aparateve celulare, në qytetin e Bajram Currit, në lokalin në përdorim të shtetasit A. B., që ishte përshtatur për lojëra fati.

Në cilësinë e provës materiale u sekuetruan 2 aparate celulare.

Materialet i kaluan Prokurorisë së Rrethit Gjyqësor Tropojë, për veprime të mëtejshme procedurale.