“Arrest me burg” ka caktuar Gjykata e Tiranës, për Qani Muçën, 55-vjeçarin i cili plagosi me armë zjarri inspektorin e Inspektoriatit të Mbrojtjes së Territorit, i cili kishte shkuar për shembjen e banesës së tij.
Muça do të qëndrojë pas hekurave në vijim të hetimeve për zbardhjen e ngjarjes.
Plagosja u shënua pasditen e 12 gushtit, në kryqëzimin e rrugës “Todi Shkurti” me rrugën “Kristaq Capo”, në Tiranë.
Punonjësi i IMT-së që mbeti i plagosur është, Ilirjan Gavelli, 52 vjeç, i cili sapo kishte përfunduar ekzekutimin e një vendimi për shembjen e banesës.
Pas ngjarjes Muça u arrestua nga policia, ndërkohë që u sekuestrua edhe arma e përdorur për kryerjen e krimit.
Qani Muça akuzohet për veprën penale “Vrasje e mbetur në tentativë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
