Policia e Elbasanit ka shoqëruar dy persona gjatë një aksioni blic të zhvilluar pasditen e sotme në lagjen “Skënderbe” në Elbasan, në vendin ku u ekzekutua në një atentat mafioz Everest Çaka.
Ngjarja e rëndë ndodhi më 11 maj, ndërsa sipas burimeve nga policia, mësohet se dy të shoqëruarit dyshohet se kanë ndihmuar të arratisen autorët e vrasjes. Nuk dihet ende se kush janë shtetasit e shoqëruar, ndërsa në aksionin e pasdites së sotme morën pjesë dhjetëra forca policie duke mbajtur nën kontroll të gjithë zonën ku u bë edhe ndërhyrja.
41-vjeçari Everest Çaka u ekzekutua teksa po kthehej nga shtëpia e vjehrrit në lagjen “Skënderbe”, ndërsa e plagsur ka mbetur edhe bashkëshortja e tij, Silvana Çaka. Çaka kishte pak kohë që ishte kthyer nga Spanja dhe pista ku po hetohet është hakmarrja nga një zinxhir krimesh që kanë ndodhur në Elbasan nga prishja e pazareve jashtë vendit, kryesisht në Spanjë dhe Belgjikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
