Dy raste të kontrabandës së mallrave dhe një rast i mosdeklarimit të parave në kufi, janë zbuluar nga Policia Kufitare në Rinas dhe në Portin e Durrësit.
Burime zyrtare nga Policia e Shtetit, bënë të ditur se në Rinas u proceduan penalisht dy persona, ndërsa tentuan të kalojnë në mënyrë të padeklaruar veshje me vlerë 12 840 euro dhe akuzohen për “Kontrabanda me mallra të tjera”.
Një tjetër person u procedua në Rinas, për mosdeklarimit të të hollave në kufi. Gjatë kontrollit më të imtësishëm në vijën e dytë, për shkak të dyshimeve fillestare, atij iu gjetën dhe sekuestruan në cilësinë e provës materiale 17 420 paund, të cilat nuk i kishte deklaruar, ndërsa akuzohet për “Mosdeklarimi në kufi i të hollave ose sendeve me vlerë”.
Ndërkohë, në Portin e Durrësit, u arrestua në flagrancë një 42-vjeçar nga Bagdadi, i cili po tentonte të kalonte kufirin me dokument të falsifikuar dhe një 27-vjeçar nga Turqia u procedua pasi tentoi të kalonte në kufi me dokument të një tjetër personi, me të cilin kishte ngjashmëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
