Gjykata Kushtetuese, ka rrëzuar sot kërkesën e Luan Dacit që kërkonte rikthimin në detyrë, si gjyqtar ose si anëtar i Kolegjit të Posaçëm të Apelimit.
Kështu, Kushtetuesja vendosi moskalimin e çështjes për shqyrtim në seancë plenare.
Daci, më 1 dhjetor 2020, u dënua me 6 muaj burg, vendim ky, që u konvertua në një vit shërbim prove.
Ish-gjyqtari u akuzua për falsifikim dokumentesh, pasi ka fshehur shkarkimin nga detyra nga Këshilli i Lartë i Drejtësisë në vitin 1997, i cili e kishte shkarkuar atë nga detyra për shkelje të ligjit dhe paaftësi.
Sipas ligjit, kjo shkelje për statusin e gjyqtarit dhe prokurorit përbën shkak për mosplotësimin e kritereve për të qenë pjesë Kolegjit të Posaçëm të Apelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
