Një person është vënë në prangat e policisë së Tiranës pasi dyshohet se ka vjedhur një makinë dhe ka përplasur dy mjete të tjera gjatë largimit.
Efektivët e komisariatit Nr. 4 ndaluan shtetasin D. M., 35 vjeç, pasi dyshohet se në orët e para të mëngjesit të datës 30 tetor, ka vjedhur një automjet në rrugën “Bardhyl”, dhe gjatë largimit me të, me shpejtësi, ka përplasur dy automjete të parkuara në rrugën “Mihal Duri”.
Pas përplasjes, 35-vjeçari e braktisi automjetin e vjedhur, në vendngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
