Një vrasje ka tronditur mbrëmjen e djeshme Serbinë. Disa persona të armatosur kanë qëlluar me armë zjarri duke e lënë të vdekur në vend pronarin e një agjencie turistike në Prishtinë, i cili është identifikuar si Selajdin Janjeva.
Persona ende të panjohur për organet e hetuesisë kanë shtënë në drejtim të Selatin Janjevës, ku i vdekur ka mbetur vetë ai, si dhe një person tjetër, që ishte me tashmë të ndjerin është plagosur.
Rezultatet e para të hetimit tregojnë se para vrasjes, ai gjuajti me armë dhe plagosi një njeri në këmbë, dhe se më pas vrasësi i panjohur deri më tani për policinë, qëlloi me armë dhe vrau në vend Seljatinin, raporton Kurir.
Motivet dhe se kush janë personat që e kryen këtë akt, ende nuk dihen. Pronari i Selo Tours u vra para shtëpisë së tij.
Familja e të ndjerit përmes një njoftimi ka njoftuar për vdekjen e Janjevës.
“Të dashur farefis, dashamirës dhe udhëtarë! Me pikëllim të thellë ju informojmë që mbrëmë kompanisë sonë iu shua edhe një dritë! Mbrëmë në shtëpinë e tij që gjendet në Novi Pazar me datën 01.10.2020, në rrethana ende të paqarta për ne, është vrarë Selo (Selaki), Selatin Janjeva! Për datën e varrimit së të ndjerit ju informojmë në vazhdim!”, kanë deklaruar nga familja e Janevës.
Pas të shtënave, vrasësi është arratisur, ndërsa policia është në kërkim të tij, shkruan Kurir.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
