Specialistët për Hetimin e Krimeve në Komisariatin e Policisë Peqin arrestuan në flagrancë shtetasin E. H., 64 vjeç, me detyrë drejtues teknik, për veprën penale “Shkelja e rregullave të mbrojtjes në punë”.
Ngjarja ndodhi pasditen e djeshme në kantierin e ndërtimit në fshatin Paulesh, ku gjatë kryerjes së detyrës, inxhinieri G. D., 42 vjeç, ra nga lartësia dhe humbi jetën.
Autoritetet nënvizojnë se arrestimi i drejtuesit teknik është bërë si masë e menjëhershme ligjore, ndërsa hetimet për zbardhjen e plotë të ngjarjes vijojnë.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme ligjore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
