Rrahu në grup ish-të dashurën dhe tentoi ta digjte/ Arrestohet 25-vjeçari në Tiranë

25-vjeçari, Ardit Çela u arrestua nga Policia, pasi gjatë ditës së sotme ka dhunuar një 16-vjeçare, në ambientet e jashtme të një pallati në Tiranë.

Mësohet se ai e ka dhunuar vajzën dhe në bashkëpunim me dy shokët e tij, duke tentuar edhe ta digjte me benzinë.

Tiranë

Në vijim të informacionit të dhënë ditën e sotme, sipas të cilit, dyshohet se në ambientet e jashtme të një pallati, 3 shtetas (dy prej të cilëve të arrestuar në flagrancë) kanë ushtruar dhunë ndaj një 16-vjeçareje, si dhe kanë tentuar ta dëmtojnë atë me lëndë djegëse (benzinë), ju informojmë se:

Specialistët për Hetimin e Krimeve në Komisariatin e Policisë Nr. 2 bënë të mundur arrestimin e shtetasit A. Ç., 25 vjeç.

Strukturat e Policisë vijojnë punën për zbardhjen dhe dokumentimin e plotë me prova ligjore të kësaj ngjarjeje.

Materialet i kaluan Prokurorisë, për veprime të mëtejshme procedurale.