Avokati i ish-ministrit Lefter Kokës, deklaroi në një komunikim për mediat ditën e sotme, se gjendja shëndetësore e klientit të tij është e rënduar dhe për këtë arsye nuk mund të mbahet në burg.
Deklarata e tij u bë pasi ditën e sotme në Gjykatën kundër Korrupsionit dhe Krimit të Organizuar, u mbajt seanca për zbutjen e masës së sigurisë nga “arrest me burg” në “arrest shtëpie”, por që u rrëzua.
Avokati i Kokës paralajmëroi se do të dëgjohen fakte që nuk janë dëgjuar deri më tani.
Ai sqaroi se sot ishte kërkesa e dytë që Lefter Koka për zëvendësim e masës së sigurimit, ndërsa e radhës u la për në 7 nëntor.
Klienti im është në kushte të rënduara shëndetësore. Gjendja e Kokës nuk mund të vazhdojë të mbahet në paraburgim, por gjykata vendosi ta rrëzojë dhe mesa duket vendosur të marrë rolin e mjekëve.
Ne si ekip ligjor do të kërkojmë që çështja të shkojë në gjyq në themel, nuk mund të vazhdojë të jetë i vetmi person në burg. Procesi që do të zhvillohet, do të jetë i hapur.
Do të dëgjoni më shumë përveç akuzave politike. Do të dëgjoni fakte dhe të vërteta që nuk i keni dëgjuar deri tani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
