Policia ka zbuluar dhe asgjësuar 1447 bimë kanabisi në 5 njësi administrative të qarkut të Shkodrës,
Në territoret e njësive administrative Pult, dhe Shalë, shërbimet e Komisariatit të Policisë Shkodër gjetën dhe asgjësuan 495 bimë të dyshuara narkotike kanabis.
Në kuadër të këtij operacioni nisi procedimi në gjendje të lirë për veprën penale “Shpërdorimi i detyrës”, për kryetarin e fshatit Brucaj, shtetasin Y. D.; për kryetarin e fshatit Nicaj, shtetasin M. M.; për kryetarin e fshatit Abat, shtetasin N. M.; për kryetarin e fshatit Pecaj, shtetasin D. V.
Në territorin e njësive administrative Kastrat dhe Qëndër u gjetën dhe asgjësuan 365 bimë të dyshuara narkotike kanabis.
Në territorin e njësisë administrative Temal, u gjetën dhe asgjësuan 587 bimë të dyshuara narkotike kanabis.
Kultivuesit e këtyre bimëve ndodhen ende në arrati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
