Krim në Mallakastër, tre të rinj vrasin gruan pasi i hynë në shtëpi për ta vjedhur

Trupi i pajetë i një gruaje është gjetur sot në Mallakastër.

Trupi i 51-vjeçares Drita Aliaj u gjet në rezervuarin e fshatit nga policia dhe polumbarët e repartit special RENEA.

Policia ka zbardhur sot ngjarjen e rëndë, e cila ka ndodhur dy ditë më parë.

Gjithçka ka nisur pas denoncimit të zhdukjes së gruas nga familjarët e saj.

Pas verifikimeve të para, policia zbuloi se nipi i bashkëshortit të 50-vjeçares, (djali i vëllait të burrit), në bashkëpunim me 2 shokë të tij, në datën 5 janar kanë shkuar për të vjedhur në banesën e saj dhe pas rezistencës së hasur nga Drita Saliaj, e kanë hedhur në rezervuarin e fshatit Gjerbës.

Gruaja jetonte e vetme, pasi i shoqi ishte emigrant.

Policia ka vënë në pranga: L. S., 16 vjeç, banues në Gjerbës, djali i kunatit të së ndjerës, S. Sh., 16 vjeç, banues në Çërrillë, dhe E. Z., 26 vjeç, banues në Gjerbës, Mallakastër.