Policia e Kukësit njofton se ka vënë në hetim në gjendje të lirë një 49-vjeçar pasi nuk e deklaroi shumën e parave në pikën kufitare të Morinës.
Gjatë kontrollit në automjetin e tij tip “BMW”, shërbimet e Policisë gjetën dhe sekuestruan 14 500 euro të padeklaruara nga 49-vjeçari nga fshati Gërçinë i Gjakovës.
Sekuestrohen 14 500 euro, si dhe procedohet penalisht shtetasi kosovar që nuk e deklaroi shumën në kufi.
Shërbimet e Policisë Kufitare në Morinë, në vijim të kontrolleve për goditjen e paligjshmërisë, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, automjetin tip "BMW", me drejtues shtetasin K. Gj.
Gjatë kontrollit të ushtruar në automjetin e këtij shtetasi, shërbimet e Policisë gjetën dhe sekuestruan 14 500 euro të padeklaruara nga 49-vjeçari, sipas përcaktimeve ligjore në fuqi.
Në përfundim të veprimeve të para hetimore, specialistët e Seksionit për Hetimin e Krimit Ekonomik e Financiar të DVP Kukës referuan materialet në Prokurori dhe nisi procedimi në gjendje të lirë për shtetasin K. Gj., 49 vjeç, banues në Gërçinë, Gjakovë, për veprën penale "Mosdeklarimi i të hollave dhe i sendeve me vlerë në kufi".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
