IGJEUM paralajmëron për nesër zonat me rrezikshmëri të lartë nga zjarret

Rreziku për zjarret në pyje vijon të jetë prezent, sidomos në disa zona të Dibrës, Gjirokastrës dhe Vlorës, ka paralajmëruar Instituti i Gjeoshkencave, Energjisë, Ujit dhe Mjedisit

IGJEUM bën me dije se sot dhe nesër, priten reshje lokale të dobëta në shumicën e qarqeve të vendit, ndërsa “shpëtojnë” qarqet e Durrësit dhe Tiranës.

ZJARRET NË PYJE

Sot pasdite (e martë dt.17) dhe nesër (e mërkurë dt.18) pritet nivel “I LARTË” rreziku në shumicën e qarqeve si Kukës, Durrës, Tiranë, Elbasan, Fier, Berat dhe Korçë, dhe nivel “I MODERUAR’’ rreziku në qarqet Shkodër, Dibër, Lezhë, Vlorë dhe Gjirokastër.

RESHJET

Sot pasdite (e martë dt.17) dhe nesër (e mërkurë dt.18) priten reshje lokalisht të dobëta në shumicën e qarqeve.