Makina përplas biçikilistin në aksin Lushnjë-Fier

Një aksident ka ndodhur paraditen e sotme në aksin Lushnje-Fier, pranë vendit të njohur si ‘Pushimi i shoferit’.

Drejtuesi i një makine tip Benz ka aksidentuar një person që po ecte me biçikletë. Biciklisti i identifikuar si Josif Pane, është plagosur pasi biçikleta u godit nga mjeti.

I moshuari është nisur në spitalin e Lushnjës dhe po merr mjekim dhe sipas mjekëve, pavarësisht se ka fraktura, është jashtë rrezikut për jetën.

Sipas drejtuesit të mjetit tip Benz, drejtuesi i biçikletës i ka hyrë përballë korsisë së lëvizjes. 

Shoferi i makinës ka ulur shpejtësinë pasi po kalonte në një zonë të kryqëzuar kur papritur biçiklisti u përplas në pjesën e përparme të makinës.

Policia është në vendngjarje për të zbardhur aksidentin.