Sherr mes katër të miturve në Tiranë, plagosen dy 13-vjeçarë

Një konflikt i dhunshëm ka ndodhur pasditen e sotme në zonën e Kinostudios në Tiranë, ku protagonistë kanë qenë katër shtetas të mitur, nga 13 vjeç.

Sipas njoftimit të policisë, të plagosur kanë mbetur dy prej tyre, të cilët janë qëlluar me mjete rrethanore e të mprehta. Policia ka shkuar në vendin e ngjarjes dhe ka nisur hetimet për zbardhjen e plotë të ngjarjes.

Njoftimi i policisë

Më datë 31.03.2021, rreth orës 17:40, në Kinostudio, si pasojë e konflikti të çastit, mes katër shtetas të mitur 13-vjeçarë, janë lënduar, dyshohet me mjete rrethanore e të mprehta 2 shtetas të moshës 13-vjeçare, të cilët u dërguan në spital, për të marrë ndihmë mjekësore.

Grupi hetimor dhe shërbimet e Policisë ndodhen në vendngjarje dhe vijojnë punën për identifikimin e personave të përfshirë në konflikt si dhe sqarimin e rrethanave të ngjarjes.