Gjatë aksionit të së premtes nga SPAK për goditjen e një grupi kriminal të trafikut të kokainës, të cilët u arrestuan pas përgjimeve të komunikimit në platformën SKYECC, sot po zhvillohet në Gjykatën e Shkallës së Parë për Krime të Rënda (GjKKO) seanca për masat e sigurimit ndaj të arrestuarve.
Para prokurorit Adnan Xholi dhe gjyqtarit Erjon Bani kanë dalë të pandehurit:A. H. Artur Hoxhosmani. K. H. Klevis Hoxhosmani, E. N. Ermir Ndrejaj, E. A. Erjon Alibej, P. D. Plarent Dervishaj dhe I. Ll. Ilir Lloshi.
Avokatët e të pandehurve kërkuan kohë për t'u njohur me aktet hetimore të SPAK-ut, duke shtyrë seancën me një orë.
Sipas SPAK, rrjetit ndërkombëtar të trafikut të drogës, i përbërë nga 16 anëtarë të cilët janë identifikuar që të gjithë dhe janë nën hetim, i janë sekuestruar mbi 6 ton kokainë, me vlerë tregu 411 milionë Euro.
Me kërkesë të SPAK, Gjykata e Posaçme nxori 7 urdhër-arreste, prej të cilëve u arrestuan 6 persona ditën e premte, ndërsa personi i shtatë është shpallur në kërkim ndërkombëtar.
Po ashtu, sot është zbardhur emri i personit të shtatë të kërkuar nga operacioni i SPAK. Për të, GjKKO ka caktuar masën e sigurimit “arrest në burg”.
I kërkuari është Elidon Skëndaj, i njohur edhe me emrat Devid Patrut dhe Devid Boraj, i cili dyshohet se fshihet në Dubai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
