Një stan me bagëti të imta ka marrë flakë përgjatë mbrëmjes të se dielës në fshatin Babicë e Madhe në Vlorë.
Si rrjedhojë e flakëve janë djegur 11 krerë, dhënë, keca dhe qengja.
Pronarja e stanit, Mbarime Jonuzaj thotë se flakët janë të qëllimshme.
Sipas saj stanit i është vendosur flaka pasi nuk ka mundësi të marri zjarr stani sepse nuk kanë as energji elektrike të vendosur në të.
Ajo thotë se nuk dyshon tek askush pasi nuk kanë hasmëri me asnjë person .
Zonja Jonuzaj thotë se ndërhyrja e forcave të policisë dhe shërbimit zjarrfikës ishte e menjëhershme. E kanë ndihmuar edhe banorë të fshatit por pa mundur të shuajnë flakët. Dëmi sipas saj është vërtet i madh dhe nuk kanë mundësi mese ti zëvendësojnë bagëtitë pasi me ato ushqeheshin
Në banesë janë të vendosura edhe kamera sigurie të cilat kanë filmuar lëvizjet në zonë si dhe momentin e flakëve.
Pamjet filmike pritet të ndihmojnë në zbardhjen e rastit me pasoja të rënda për bagëtinë e imët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
