Gjykata e Tiranës ka hedhur shortin për dosjen e vrasjes së të riut Klodian Rasha nga polici Nevaldo Hajdaraj.
Mësohet se gjyqtar i dosjes është caktuar Bedri Qorri, kurse seanca e parë mbahet më 26 mars, në orën 10:00.
Gjykata tashmë do të vendosë nëse do e pranojë kërkesën ose jo të Prokurorsië për të kaluar dosjen për gjykim, ndërkohë që mbi Nevaldo Hajdarajn rëndon akuza e vrasjes me dashje.
Klodian Rasha u vra mbrëmjen e 8 dhjetorit 2020, pasi kishte thyer orën policore ndërsa efektivi Nevaldo Hajdaraj e ndoqi dhe e qëlloi me pistoletë.
Vrasja e tij shkaktoi më pas një valë protestash nga qytetarët dhe opozita, ndërkohë që pas vrasjes dha dorëheqjen ministri i brendshëm, Sandër Lleshaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
